जागतिक महिला दिनाच्या पूर्वसंध्येला..............

दिपावलीच्या दिवशी....
एक पणती रूसली
म्हणाली मी नाही पेटणार
आधी घ्या शपथ
स्त्री भृणहत्या
मी नाही होऊ देणार ॥धृ॥

दिवाळीच्या सणात
नको का बहीण ओवाळायला?
औक्षण भावाचे
नको का करायला?
भाऊ बहिणीचा हा स्नेह
जणू अमृताचा ठेवा
ठेवा हा अमृताचा जपून ठेवूया
एक पणती स्त्रीत्वाची जागृत ठेवू या
दिपावलीच्या दिवशी....॥१॥

वात्सल्याचे मंदिर, घराचा देव्हारा
देव्हाय्रात आई रूपाने ईश्वर प्रकटला
लेकरात असते, आईचे वरदान
जीवनात त्याच्या प्रकाशाचे दार
नसेल आई तर, अंधार दाटतो
असला सूर्या तरी, प्रकाश हरवतो
म्हणूनच एक पणती प्रज्वलीत करा
स्त्रीत्वाचा आदर मनापासून करा
दिपावलीच्या दिवशी....॥२॥

विवाहाचा सोहळा, पवित्र
पतीपत्नीचे नाते,संस्कृतीचे घडणे
दोन्ही घरांच्या अंगणात
रेखाटते ती रांगोळी
रंगही भरते
सासरी अन माहेरी
रंगांचे मोरापंख
स्त्रीत्वाच्या सणाला
स्त्रीत्वाची पणती प्रज्वलीत करूया
महिलादिनाच्या दिवशी....॥३॥