कोण रे मी ?
अरे सांग मला मी नक्की आहे तरी कोण?
असेन का मी भीष्म
शरपंजरावर पडलेला?
तुम्ही स्वकीयांनीच
मला तिथे टाकलेला
का असेन मी अभिमन्यू
चक्रव्युहात अडकलेला?
काका, मामा सगळ्यांनी प्रयत्न करुन
पण बाहेर न पडू शकलेला?
अरे बाबा, की आहे मी
त्या पांडवांच्या निष्पाप मुलांमधला एक?
चुक नसताना एक घावातचं
जीवे मारला गेलेला
का आहे मी अश्वत्थामा
जीवनाचं वरदानचं
शाप ठरलेला
आणि एकटाच उरलेला
का असेन रे मी द्रौपदी
कृष्ण सखा सोबत असुन
पण चिरहरणातून न सुटलेली
असेन का रे मी अर्जुनही कदाचित
पूर्ण पुरुष असूनही अपूर्णत्वाचा शाप भोगलेला
किंवा रणांगणात स्वत:च
स्त्रीत्व दाखवलेला
आत तूच सांग आहे तरी कोण रे?
मी आहे तरी कोण?
No comments:
Post a Comment