एक क्षण जादूभरा प्रत्येकाला हवाहवासा,
ध्यानीमनी नसताना समोर उभा अचानकसा
एक क्षण भाळण्याचा, नजरांचे रोख चुकवत
पापण्यांच्या चंद्राआडून नजरभेटीच्या खेळाचा
एक क्षण मंतरलेला बेहोश धुंद भारण्याचा,
आजूबाजूचं अस्तित्व विसरायला लावण्याचा,
एक क्षण बेदरकार, सगळ्यांशी विरोधाचा
जगाशी लढ्ण्याच्या, घेतलेल्या शपथांचा
एक क्षण वेडेपणाचा, मनाच्या गुलामीचा
व्यवहाराशी समजून, उमजून अशी फारकत घेण्याचा
एक क्षण आगदी शहाणा मोहापासून सावरण्याचा,
बेबंद उधळणाय्रा मनाला घट्ट लगाम घालण्याचा
- सोनाली
No comments:
Post a Comment