हाती सोपवले तयाने
लाडके स्वप्न विश्वासाने
कृतज्ञतेचा लेवून थाट
आम्ही शोधली प्रकाशाची वाट
नयनातूनी भावी स्वप्ने
साकारण्या उद्युक्त मने
जाणिवेची आश्वस्त हाक
आम्ही शोधली प्रकाशाची वाट
वाटेवरी या हरलो पडलो
फिरूनी तरी पुन्हा धडपडलो
चालवी त्या शिखराची साद
आम्ही शोधली प्रकाशाची वाट
मार्ग खडतर खरेच सारे
हाती घट्ट हात धरा रे
ममतेची ही प्रेमळ साथ
आम्ही शोधली प्रकाशाची वाट
- सोनाली
No comments:
Post a Comment