साचू देत तुझ्या डोळ्यात आषाढ्मेघ
माझ्या पिसाय्रावर विश्वास ठेव.........
सगळेच पिसारे बाहेर फुलत नसतात
जंगलातल्या वणव्यांनाही
विझायला बहाणे हवे असतात.
जमिनीत लाव्हेच नसतात,
वाहते झरे देखील असतात .
समुद्र होऊन साठण्याचे
ज्यांचे मुळीच स्वभाव नसतात.
तरीही विश्वास असतो मातीला
त्यांच्या अनावर स्पंदनांचा..........
त्या अबोल नात्याची शपथ
माझ्या तहानेची जाण ठेव
साचू देत तुझ्या डोळ्यात आषाढ्मेघ
माझ्या पिसाय्रावर विश्वास ठेव......
No comments:
Post a Comment