'शब्द' दयाघन अवतरती
सरस्वतीचे वीणा-वादन
श्रवणभक्तीला ये भरती
बाळ बोलता म्हणते - 'आई'!
अद्वैताचा सगुण ठसा......
चराचराला व्यापून उरते
'शब्द-ब्रह्म' हे दाही दिशा
ज्ञानेश्वरीच्या........ओवीमधून.....
गीतार्थाच्या उमलती कमळे
रंग-रुप-रस-गंध आगळे
शब्दप्रती 'शब्दार्थ' वेगळे
प्रारब्धाच्या अतीत नविन
जीव बापुडा वणवण फिरतो
वात्सल्याने पुसुन आसवे
'शब्दच' माया-ममता देतो!
शब्द-स्वरांचे अतुट बंधन
जणू सहाणेवर गंधीत चंदन
काव्य-सुमन हे फुलुन आले
'सरस्वती' प्रती अर्पण केले........!
No comments:
Post a Comment