कळत नाही........
ही कसली घुसमट
ही कसली उलघाल
कळत नाही जाते कुठे
ही तरी पायवाट!
मागे आता फिरणे नाही
नाही जाता येत पुढे
आयुष्याच्या अनोळख्या वळणावर
अख्खे अस्तित्व उभे!
तस आता माझ्याजवळ
सांगण्यासारखं काय आहे?
तुझ्या-माझ्या भेटीत आता
सवयीचे औपचारिकपण आहे!
हातात हात गुंफत नाहीत
नसतात निवांत भारले क्षण
दोन घटका सोबत सोबत
घालवणे आता नाही जमत!
नाही ही नाखुषी, नाही तक्रार
माहीत झालेय आता आपणाला
भेट आपुली आजकाल झालीय
सवयीचाचं एक अविष्कार!
म्हणून म्हणते...........
निरोप घेतला न घेतला
तसाच समजून घे
भेट झाली ना झाली
तपशील भरून घे.........
= सोनाली
No comments:
Post a Comment