कविता...........

सत्याचा मज नित्य संग
असत्य आम्हा वर्ज्य आहे
झुंज देतो नित्य आम्ही
तह आम्हा त्याज्य आहे ॥१॥

प्रयोग आम्हा जमत नाही
त्याहून बरा वियोग आहे
तुटणे आम्हा होय सोपे
तडजोड करणे अमान्य आहे ॥२॥

वन्हीची ती आच लेवूनी
सुवर्णाने ती शुध्द व्हावे
असावी बावनकशी मिजास अशी
तर मुलामा का व्हावे ॥३॥

असे ऒठात गोड वाणी
तरी दुषणे का करावी
वंचना असे मान्य आम्हा
याचना आम्ही का करावी ॥४॥

हृदयी मम सागर वसे
अंतरात येई प्रेम भरती
समर्पण वाटे श्रेष्ठ आम्हा
मर्यादा मग जमत नाही ॥५॥

- सोनाली