निसर्ग बरच काही शिकवत असतो आपल्याला
शिकलं पाहिजे आपण ते आत्मसात करायला
गुलाब शिकवतो आपल्याला
काट्यात राहून हसायला
दलदलीतलं कमळ सांगत
संकटात तग धरायला
शेतावर डुलणार सुर्यफुल सांगत
प्रकाशाकडे वाटचाल करायला
शिकलं पाहिजे आपण ते आत्मसात करायला
स्वच्छंदी विहरणारे पक्षी शिकवतात
आकाशात उंच भरारी द्यायला
इवल्याशा मुंग्या शिकवतात
एकजुटीन रहायला
सुंदर फुलपाखर दाखवतात
जीवन रंगीबेरंगि बनवायला
शिकलं पाहिजे आपण ते आत्मसात करायला
खळखळणारा झरा सांगतो
निखळपणे जगायला
सगळ पोटात घेऊन नदी
शिकवते आईपण जपायला
निसर्गाचा प्रत्येक सदस्य सांगतो
आनंदाची उधळणकरायला
शिकलं पाहिजे आपण ते आत्मसात करायला
फी न घेता शिकवून सुध्दा
देतो आपण त्रास निसर्गाला
त्यामुळेच वर्षातले काही दिवस
जमत नसावं त्याला अश्रू आवरायला
शेवटी ’अति तिथे माती’ प्रमाणे
कारणीभूत ठरतो निसर्गाच्या कोपाला
शिकलं पाहिजे आपण ते आत्मसात करायला
निसर्ग बरच काही शिकवत असतो आपल्याला
शिकलं पाहिजे आपण ते आत्मसात करायला
- सोनाली
No comments:
Post a Comment